Ташкентте 30 шақты адам терроризмге қатысы бар деген күдікпен ұсталды

Өзбекстан астанасында құқық қорғау органдарының бірлескен операциясы барысында «Тавхид ва жихад катибати» террористік ұйымының мүшелер тобы ұсталды. Осы мәліметті таратқан Ташкент милициясы арнайы операцияның нақты қай күні өткенін айтпады.

Қалалық ішкі істер департаментінің мәліметінше, ұсталғандар астанада ұжымдық акция өткізіп, одан соң Сириядағы террористік ұйымға қосылуды жоспарлаған.

«30 шақты адамның террористік ұйым жақтастары екені анықталды. Олар астанаға Әндіжаннан, Сұрқандария мен Қашқадария облыстарынан жұмыс іздеп келген», — делінген милиция мәлімдемесінде.

Бұл ұйымға Өзбекстан билігі тыйым салған. Ұсталғандардың үстінен қылмыстық іс қозғалды. Тергеу жүріп жатыр.

Источник

Винтоверт DeWalt PowerStack DCF850E1T-QW АКБ и ЗУ в комплекте