Трамп Түркияға салған санкцияны алды

АҚШ президенті Дональд Трамп сәрсенбі күні Түркияға салған санкцияны алып тастағанын мәлімдеді.

Трамптың сөзінше, Түркия Сирияның солтүстігіне әскери операциясын тоқтатқан. Бірақ тағы бірдеңе бола қалған жағдайда, санкцияны қайта енгізуі мүмкін екенін ескертті.

Президент Құрама Штаттардың күш салуы арқасында ғана, әскери соғысты тоқтатуға мүмкін болды деп атап өтті.

Трамп сонымен бірге Сирия солтүстігінен АҚШ әскерін алып шығу шешімінің дұрыс екенін тағы жеткізді. Енді бұл елде соғыстың болмауына өзге елдер жауапты болуы тиіс деді ол.

Осының алдында Түркия мен Ресей Сирияның солтүстік бөлігін бірлесіп бақылау жөнінде келісімге келген. Оған сәйкес, Түркиямен шекаралас аумағын түрік тарабы қадағаласа, қалған жеріне Ресей әскері кіргізілмек.

АҚШ Конгрессіндегі екі партияның танымал саясаткерлері Трамптың Сирия аумағынан әскерді шығару шешіміне қарсы болған.

АҚШ президенті сәрсенбі күні жасаған мәлімдемесінде Сирияның шығысындағы мұнай қорын күзету үшін аз ғана америкалық әскер қалатынын айтты.

https://www.centralasian.org/a/30233467.html

Винтоверт DeWalt PowerStack DCF850E1T-QW АКБ и ЗУ в комплекте