Журналистерді қорғау комитеті: әлемде 293 журналист кәсіби қызметі үшін қамауда отыр
Әлемде түрмедегі журналистер саны биыл ең жоғарғы көрсеткішке жетті, делінген Журналистерді қорғау жөніндегі комитет есебінде. 9 желтоқсанда жарияланған құжатта БАҚ-тың 293 қызметкері кәсіби жұмысы үшін қамауда отырғаны айтылған.
Журналистерді қылмыстық қудалау жөнінен Қытай үш жыл бойы бірінші орында тұр – бұл елде кәсіби қызметі үшін 50 журналист қамауда отыр. Екінші орында — 26 журналисті түрмеге жапқан Мьянма. Үшінші және төртінші орындарда – Египет (25 журналист) мен Вьетнам (23 журналист).
Алғашқы бестік соңына Беларусь орналасты – мұнда кәсіби жұмысы үшін 19 журналист қамалған. Беларусь билігі бір жылда тоғыз журналисті соттады.
Ұйым журналист Роман Протасевич мінген ұшақты Минск қаласына мәжбүрлі түрде қондырып, өзін қамауға алғанын аса қатаң жаза деп бағалады. Комитет өкілдерінің пікірінше, «билікті бергісі келмейтін мемлекет басшысы Александр Лукашенко қоғам пікіріне назар аудармайды».
Ресей рейтингте тоғызыншы орынға, Сауд Арабиясы мен Иранның ортасына орналасқан. Ресей колонияларында кәсіби қызметі үшін сотталған 14 журналист отыр.
Өзбекстан мен Әзербайжанда екі журналистен жұмысы үшін сотталған. Қазақстан мен Түркіменстанда бір журналистен кәсіби қызметі үшін қылмыстық жаза алған.
Әлемде соңғы бір жылда кем дегенде 24 журналист өлтірілді, делінген есепте. БАҚ-тың 18 өкілінің қазасын Комитет кәсіби қызметіне тікелей байланыстыра алмады. Мексикада алты журналист кісі қолынан қаза тапқаны анықталған.
Винтоверт DeWalt PowerStack DCF850E1T-QW АКБ и ЗУ в комплекте