Қырғыз-тәжік шекара аймағының тұрғындары енді жанжал болмайды деп үміттенеді (видео)

Оқ атуды тоқтату жөнінде келісім күшіне енгеннен бері Тәжікстанның Исфара және Қырғызстанның Баткен аймағының тұрғындары бұл жерде бұдан былай оқ атылмайды деген үмітте. Озоди радиосының тілшілері шекара аймағына жайғасқан тәжік ауылдарынан хабар алған.

Душанбе мен Бішкек шенеуніктері 27 қаңтарда болған жанжалдан кейін шекарадағы жағдай бақылауда екенін, адамдар күнделікті тұрмыс-тіршілігіне оралғанын білдірген. Шекарадағы жағдай, адамдардың көңіл-күйіне кері әскерін тигізіп жатыр дейді.

«Біз осында көшіп келгеннен бері күн сайын түрлі жанжал болып тұрады. Балаларымыздың тағдырына алаңдап, ұйықтай алмай қалдық. Жанжал басталғаннан бері мектепке бармады», — дейді Сомониён ауылының тұрғыны Абдукаюм Сафаров.

Исфараның Сурх ауылының тұрғыны Субхониддин Темуров былайша пікірін білдірді:

«Соңғы жанжалда да бейбіт тұрғындар зардап шекті. Олардың кінәсі не? Олар осы жерде туылғаны үшін кінәлі ме? Барлық адам бейбіт өмір сүргісі келеді. Бұл аймақта 100 мыңнан астам адам тұрады».

Соңғы бір жыл ішінде қырғыз-тәжік шекарасында жанжал жиі орын алып кетті. 27 қаңтардағы жағдайдан кейін екі ел билігі келісімге келген соң, ахуал біршама тынышталған.

Бұл оқиғадан Қырғызстанның 12 адамы зардап шексе, Тәжікстан екі азаматымыз қайтыс болып, оны жараланды деген ақпарат таратты.

Былтыр сәуір, мамыр айларында да шекара аймағында қарулы қақтығыс болып, ондаған адам қайтыс болып, жүздеген адам зардап шеккен.

Источник