Қырғыз премьер-министрі «Құмтөрден» салықтан бюджетке тағы 3 млрд сом түсетінін айтты
Қырғызстанның премьер-министрі Ақылбек Жапаров 15 желтоқсанда «Құмтөр Голд Компани» кәсіпорнынан салықтан бюджетке түсетін қаражат жөнінде айтты.
«Құмтөр бойынша салық уақытылы түсіп жатыр. 12 айдың ішінде кенді игеруге жетті. Осының алдында кенді су басып қалды деген. Осы уақытқа дейін 1,5 тонна алтын алды. Бір жылға біз күткен жоспар орындалады деп күтеміз», — деді Жапаров.
Үкімет басшысының сөзінше, компания геологиялық барлау жұмысын жүргізгені үшін қосымша 4 процент бюджетке төлеп жатыр.
«Естеріңізде болса, «Центерра» бюджетке 13%, Ыстықкөл облысын дамыту қорына 1% төлеп келген. Сонымен бірге барлау ісі бойынша 4% төлеу керек болған. Бірақ компания мұны төлемей келген. Енді төлеп жатыр», — деді Жапаров.
Ол сонымен бірге жыл соңына дейін Centerr Gold Inc. компания басшылығымен келіссөз аяқталуы тиіс екенін атап өтті.
Осының алдында қаржы министрлігі соңғы 11 айда бюджетке Құмтөрден 6 млрд 998 млн сом қаражат түскенін мәлімдеген.
Құмтөр – Қырғызстандағы ең ірі алтын кені. Одан жыл сайын 15-17 тонна алтын алынады.
Винтоверт DeWalt PowerStack DCF850E1T-QW АКБ и ЗУ в комплекте