Қытай-Қырғызстан-Өзбекстан темір жолының негіздемесі 2023 жылы сәуірде дайын болады
Қытайдың темір жол және құрылыс корпорациясына қарасты жобалау институты «Қытай-Қырғызстан-Өзбекстан» темір жол құрылысының техникалық-экономикалық негіздемесін 2023 жылы сәуірде аяқтауды жоспарлап отыр.
Бұл туралы Жогорку Кенештің бюджет, экономика және салық саясаты жқніндегі комитетінің 21 қарашадағы отырысында Қырғызстан үкімет басшысы Ақылбек Жапаров хабарлады.
Премьер-министр Қамбарата су электр станциясы мен «Қытай-Қырғызстан-Өзбекстан» темір жолы құрылыстарын елдегі ең ірі жобалар деп атады. «Бұл екеуі Қырғызстандағы ең ірі құрылыстар. Темір жолға 3-5 млрд доллар, ал ГЭС құнын әлі анықтай жатамыз, бірақ оған да шамамен 3-5 млрд доллар қаражат құйылады», — дейді Жапаров.
Бұның алдында хабарланғандай, Қытайдың темір жол құрылысы корпорациясының 160 маманы Қырғызстанға келіп, Нарын мен Жалал-Абад облыстарында жұмыс істеп жүр. Олар жерді суретке түсіріп, жынысын анықтайды.
Биыл қыркүйекте Шанхай ынтымақтастық ұйымының Самарқан қаласындағы саммитте «Қытай-Қырғызстан-Өзбекстан» темір жол құрылысының жобасы аясындағы әріптестік туралы үшжақты келісім қабылданған. Жобаға сәйкес, темір жол «Торугарт — Арпа — Макмал — Жалал-Абад» бағытымен салынады. Үш елдің мамандары жобаның техникалық-экономикалық негіздемесін 2023 жылдың 1 маусымына қарай дайындап шығуды жоспарлаған.
Винтоверт DeWalt PowerStack DCF850E1T-QW АКБ и ЗУ в комплекте