Өзбекстан Қытайға қайтадан газ экспорттай бастады
Өзбекстан билігі Қытайға қайтадан газ сата бастады. Сәуір айында 40,5 млн долларға газ экспортталған.
Өзбекстан Қытайға қайтадан табиғи газ экспорттай бастады. Бұл туралы ҚХР бас кеден басқармасы хабарлады.
Басқарма мәліметінше, Өзбекстан сәуір айында 40,47 млн долларға газ экспорттаған. Қаңтар-наурыз айларында газ сатылмаған.
Өзбекстан статистика жөніндегі агенттігінің хабарлауынша, өткен айда шетелге 90,5 млн долларға газ сатылды. Табиғи газ нақты қай елдерге экспортталғаны туралы мәлімет айтылмады.
Еске салайық, 2022 жылы өзбек жағы 910,9 млн долларға газ экспортталғанын мәлімдеді. Қытай жағы болса өзбек газын 1,07 млрд долларға сатып алғанын хабарлады. Жергілікті басылымдар екі елдің газ саудасына қатысты дерегі екі түрле екеніне назар аударған. Алайда Өзбекстан энергетика министрі Журабек Мирзамахмудов ҚХР транзитталған түркімен газын да қосты деп мәлімдеген.
newstaraz.kz