Өзбекстан Ауғанстанға экспорттайтын электр қуатын 60 пайызға қысқартты
Өзбекстан Ауғанстанға экспорттайтын электр қуатын 60 пайызға қысқартты, тараптар ортақ келісімге келе алмады. Бұл туралы Ауғанстан электр энергетикасы компаниясы (DABS) хабарлады.
Ұлттық компания өкілдерінің айтуынша, өзбек жағы бұны Талимаржан электр станциясындағы техникалық қиындықтармен түсіндірген. Осылайша, екі-үш күннен соң Ауғанстанға экспортталатын электр қуаты азаяды.
DABS мәліметінше, электр қуаты импортының азаюы салдарынан елдің 16 провинциясы жарықсыз отыр.
Бұған дейін хабарланғандай, Өзбекстан мен Ауғанстан 2022 жылы 100 млн долларға электр қуатын жеткізу жөнінде келісім-шартқа отырған.
Былтыр қазан айында хабарланғандай, ауған энергетика компаниясы Өзбекстанға, Тәжікстанға, Түркіменстан мен Иранға электр қуаты үшін 51 миллион доллар қарыз болып қалған.
Винтоверт DeWalt PowerStack DCF850E1T-QW АКБ и ЗУ в комплекте