Өзбекстан Түркіменстанға «жедел жәрдем» автокөліктерін сыйлады (видео)
Түркіменстан Өзбекстанға достық көмек ретінде сұйық газ партиясын жолдады. Ташкент Ашғабатқа заман талабына сай жедел жәрдем автокөліктерін сыйлады. Бұл туралы Өзбекстан президентінің баспасөз қызметі хабарлады.
Өзбекстан мен Түркіменстан арасында дипломатиялық қарым-қатынас орнағанына 30 жыл толуына орай аймақ елдері бір-біріне көмек берді.
Бұған дейін хабарланғандай, Түркіменстан энергетика дағдарысына тап болған Өзбекстанға сұйық газ партиясын жолдады. Ал Өзбекстан болса көрші елге 20 Volkswagen Caddy жедел жәрдем автокөлігін сыйлады. Олар Жизақ автомобиль зауытында шығарылған.
Бұның алдында әлеуметтік желілерде Ташкент Ашғабаттан қаңтар айында газ жеткізу міндетін толық орындамағаны үшін өтемақы талап етті деген мәлімет тараған. Алайда Өзбекстан энергетика министрлігі мұндай мәліметті жоққа шығарып отыр. Министрлік дерегінше, Түркіменстан жолдаған газ отынға тапшы жандарға беріледі.
newstaraz.kz