Өзбекстанда коронавирус жұқтырғандар саны өсіп жатыр
Пандемияның кезекті толқыны жүріп жатқан кезде, Өзбекстанда коронавирус жұқтырғандары саны өсіп жатыр. Жергілікті журналистер мен блогерлер вирустан көз жұмғандар саны жайлы ресми көрсеткішке сенбейді.
Денсаулық сақтау министрлігі пневмониядан қайтыс болғандарды Covid-19 статистикасына енгізудің қажеті жоқ дейді.
Ресми мәлімет бойынша, Өзбекстанда коронавирус жұқтырғандар саны 145 мың 615 адамға жеткен. 994 науқас көз жұмған.
Самарқандтық журналист Ташпулат Рахматуллаев Facebook парақшасына күнде бір жаназаға баратынын жазады.
«Егер билік Өзбекстанда коронавирустан қайтыс болып жатқандардың шын тізімін жариялайтын болса, халық карантин шарасын қатаң сақтанушы еді», — дейді журналист.
Өзбекстанның статистика жөніндегі комитеттің мәліметінше, 2021 жылдың алғашқы жарты жылында 79,7 мың адам қайтыс болған. Бұл былтырғы жылмен салыстырғанда 7%-ке көп.
newstaraz.kz