Судан ресейлік әскери базаның құрылысын тоқтатты

Судан өз аумағында салынып жатқан ресейлік әскери-теңіз базасының құрылысын тоқтатты. Бұл жөнінде араб ақпарат құралдары хабарлады. Ондағы ақпаратқа қарағанда, Хартум кез келген ресейлік әскери кеменің кіруіне жол бермейді.

BRK: #Sudan notified Moscow that it decided to suspend an agreement to establish a Russian naval base on its shores. Khartoum also said it will block any new Russian military deployment at Flamingo Bay. https://t.co/Wxy8xkB5iu

— Wasil Ali — واصل علي (@wasilalitaha) April 28, 2021

Al Arabia каналының хабарлауынша, екі ел арасындағы келісім Судан заң шығару органы бекіткенге дейін тоқтаған. Хартум бұл жөнінде Мәскеуге ескерткен.

Былтыр қараша айында Ресей Судан аумағында, Қызыл теңіз жағасында әскери-теңіз флотын техникалық құрал-жабдықтармен қамтамасыз ету бекетін ашуды жоспарлап отырғанын мәлімдеген. Бұл жобаны 2019 жылы әскери төңкерістен кейін орнынан кеткен Суданның бұрынғы президенті Омар әл-Башир қолдаған. Ол АҚШ агрессиясынан қорғану үшін керек деп мәлімдеген.

2020 жылы Михаил Ходорковскийдің «Досье» зерттеу орталығы мен The Guardian британ басылымы әл-Баширдің кеңесшілері ресейлік бизнесмен Евгений Пригожинге қатысы бар саяси технологтар болды деп хабарлаған.

АҚШ қаржы министрлігіндегі «қара тізімде» Евгений Пригожиннің аты-жөні бар. АҚШ мәліметі бойынша, Пригожин Ресейдегі Вагнера жекеменшік әскери компаниясын қаржыландырады.

Источник