АҚШ-та әлемге танымал әншіден айнымайтын бұзау туылды (фото)

АҚШ-тың Техас штатында бір шаруашылықтың қожайыны өз фермасында аты аңызға айналған «Kiss» тобының мүшесі Джин Симмонстан айнымайтын бұзаудың дүниеге келгендігін анықтаған.

Бұл ұқсастықты әншінің өзі де растады, деп хабарлайды шетелдік БАҚ-қа сілтеме жасаған Baq.kz.

Техас штатына қарасты Кервилл қаласындағы «Cowboy Steak House» мейрамханасында жұмыс істейтін Хизер Леонард Тасетта 28 шілде күні өз фермасында танымал әнші Джин Симмонсқа ұқсайтын бұзаудың пайда болғандығын анықтаған.

Фото: baq.kz
Тіпті, бұзаудың түсі мен ұзын тілі танымал әншіден айнымайды.

Осыған байланысты фермер бұзауға «Джинни» деп ат қойып, суретін Facebook-тегі Hill Country Visitor парақшасына жариялаған екен.