Алматы әкімдігі: 2030 жылға қарай орташа жалақы 360 мың теңге болады
Алматы әкімдігі мен қаланы дамыту орталығы «Алматыны 2025 жылға дейін дамыту және 2030 жылға дейінгі болашағы жоспарының басты артықшылығы» жобасын қоғамдық талқылауға шығарды.
Жобада көрсетілгендей, басты артықшылық тізімінде 2030 жылға қарай алматылықтардың орташа табысы айына 360 мың теңге болады» деп көрсетілген. Бұл жөнінде Информбюро хабарлайды.
Алматы билігі 2025 жылы Жалпы аймақтық өнім жан басына шаққанда 20 мың доллардан асады, 2030 жылға қарай 25 мың доллар болады деп болжайды.
Құжатқа сәйкес, жыл басынан бері Алматыда инфляция деңгейі 8,8 процент болған. Сонымен бірге тұрғындардың 25 проценті (380 мың) әлеуметтік медициналық сақтандыруға қолжетімсіз. Ал көлеңкелі бизнес көлемі 28,3 процент.
Алматыда 2021 жылы орташа айлық 157,9 мың теңге болған. Биылғы жылдың бірінші тоқсанындағы көрсеткіш бойынша 285,4 мың теңгеге жеткен деп көрсетілген.
Қазақстанда ең жоғары айлық ресми түрде Атырау және Маңғыстау облыстары және Нұр-Сұлтан мен Алматы қалалары болып есептеледі.
Алматы қызмет көрсету ақысы жағынан Қазақстандағы ең қымбат қалалардың бірі саналады. Атап айтқанда жылжымайтын мүлікті сату, сатып алу, жалға беру қызметі өте қымбат.
Жобада сонымен бірге ауаны тазарту үшін жылу электр станцияларын көмірден газға ауыстыру қаралғаны айтылған. Бұдан бөлек қалада қылмысты төмендету үшін де тиісті шаралар қабылданғаны жазылған.
Алматыға жыл сайын 400 мың адам жұмыс іздеп келеді екен.
Қалада мектептер, емханалар жетіспейтіні жиі көтеріледі. Дегенмен қала әкімдігі Алматы әлемдегі ақылды қала тізімінің алғашқы 50 ел қатарына енеді деген сенімде.
newstaraz.kz