Эстонияда «СССР» деген жазуы бар қызыл футболка киген азаматқа 444 еуро айыппұл салынды
Эстонияда Нарва қаласының бір тұрғынына «СССР» деген жазуы бар қызыл футболка кигені үшін 444 еуро айыппұл салынды, деп хабарлады ERR.
Ол 2022 жылғы 9 мамырда Т-34 танк ескерткішіне осындай футболка киіп барған. Полиция қызметкерлерін байқаған ол жеңсіз жейдесіндегі жазуды күртемен жабуға тырысқан, себебі ол мұндай белгі басылған киім киюге болмайтынын білген.
Сот шешімі 2022 жылғы қарашада қабылданған, бірақ өткен аптада ғана күшіне енген. 61 жастағы азаматтың кассациялық шағымы қабылданбаған.
«9 мамырда мұндай футболка киіп шығу арандату акциясына жатады. Мұндай әрекетті халықаралық қылмысты ақтау деп түсінуге болады. Оның соғыс құрбандарын еске алуға ешқандай қатысы жоқ», — деп есептейді эстон полициясы.
Іс материалдарына қарағанда, ер азамат сотта Ресейдің Украинаға қатысты агрессиясын қолдайтынын растаған.
newstaraz.kz