«ГУЛАГ емес»: Ресей сотталғандарға арналған еңбек лагерлерін ашады
Ресейдің федералдық жазаны өтеу қызметінің директоры Александр Калашников жұмыс күші жетіспейтін ірі нысандарда сотталғандар үшін еңбек лагерлері ашылатынын растады.
«ГУЛАГ емес, жағдай жасалады, адамдар жатақханада немесе жалдамалы пәтерде, отбасымен тұрады, жалақы алады», — деді Калашников ТАСС агенттігіне.
Оның айтуынша, Ресейде қазір 188 мың жазасын өтеуші қамаудағы мерзімді мәжбүрлі жұмысқа ауыстыруға құқылы.
Қазір ірі нысандарда жұмыс күшінің тапшылығы еңбек мигранттарының арқасында шешіліп отыр, деді ол. Калашниковтың пікірінше, оларды сотталғандар алмастыра алады, сол кезде еңбек күші жеткілікті болады, ал жазасын өтеушілер қоғаммен араласуға мүмкіндік алады.
Мәжбүрлі жұмысқа бөлінген адамдар Ненэцие автономиялы аумағында, Таймырда, Магадан облысында, Норильскіде және Байкал-Амур магистралында жұмыс істей алады, деді Калашников.
Жазасын өтеушілердің еңбегін КСРО-да 1930-1950 жылдары көп пайдаланды. Олар ең ірі өнеркәсіптер мен көлік нысандарын салды. 1932 жылы ГУЛАГ құрамында ашылған БАМлагқа 2 миллионнан астам адам түскен.
newstaraz.kz