Капитолийге жасалған шабуылды тәуелсіз комиссия тексереді

АҚШ конгрессі биыл 6 қаңтарда Капитолийдегі тәртіпсіздікті зерттеу үшін тәуелсіз комиссия құрады.

Өкілдер палатасының спикері Нэнси Пелоси (демократ, Калифорния штаты) комиссия құрылғанын 15 ақпанда демократ әріптестеріне жазған хатында хабарлаған. Спикердің пікірінше, конгресс «шабуылдың қалай болғанына қатысты шындықты анықтауы тиіс».

Бұның алдында сенат бұрынғы президент Дональд Трампқа импичмент жарияламаған еді.

Республикашыл бірнеше саясаткер Трамп жақтастарының ғимаратқа шабуылын тексеруді қолдайтынын мәлімдеген. Трампты жауапты тартуды қолдаған жеті республикашылдың бірі сенатор Билл Кэссиди (Луизиана штаты) мұндай зерттеу болашақта осы тәріздес оқиғалардың алдын алу үшін керек деген.

centralasian.org