Мәскеудегі қырғыздар Қырғызстан арнайы қызметінің басшыларын ауыстыруды талап етті
Мәскеуде жүз шақты қырғызстандық жиналып, Қырғызстанның Ұлттық қауіпсіздік мемлекеттік комитетінің қырғыз-өзбек шекарасына қатысты шешіміне наразылық білдірді.
Жиынды ұйымдастырушылардың бірі, «Мен қарсымын» қозғалысының мүшесі Орозайым Нарматованың пікірінше, арнайы қызмет шешімді халық пікірін ескермей қабылдаған.
«Қырғызстан жері — ҰҚМК-нің жекеменшігі емес. Комитет халықтың, Жогорку Кенештің келісімінсіз шешім қабылдай алмайды. Біз бүгін ҰҚМК басшылығын ауыстыруды талап ету үшін жиналдық. Бұны наразылық акциясы деп атаған жөн», — деді Нарматова.
Мигранттардың жиынын «Мен қарсымын» және «Құқығым бар» қозғалыстары ұйымдастырды.
ҰҚМК мигранттардың мәлімдемесіне қатысты пікір білдірмеді.
Биыл наурыз айының соңында Қырғызстан билігі Өзбекстанмен шекара мәселесі «жүз пайызға» шешілгенін мәлімдеген. Қырғыз-өзбек шекарасын делимтациялау және демаркациялау жөніндегі үкіметтік делегацияның басшысы Камчыбек Ташиев көрші елдер арасында даулы жер учаскесі қалмағанын айтты.
Алайда кейбір шешімге шекарадағы аудандардың тұрғындары наразылық білдірді. Олар Кемпірабад су қоймасындағы бөгет Өзбекстанға өтетінін қолдамайды. Қазір Кемпірабад су қоймасында жергілікті тұрғындар наразылық акцияларын өткізіп жүр.
newstaraz.kz