Мәскеудегі өртте қаза тапқан өзбекстандықтардың мәйіттері әлі елге жетпеді
13 қарашада Мәскеу облысы Солнечногорск қаласындағы құрылыс алаңында шыққан өрттен қаза тапқан төрт өзбекстандықтың мәйіті Өзбекстанға әлі жіберілмеген.
Әлеуметтік желілерде таралған бұл ақпаратты Өзбекстан еңбек министрлігінің Сыртқы еңбек миграциясы жөніндегі агенттігі растады.
Агенттік мәліметінше, мәйіттердің ДНҚ сараптамасы әлі шықпаған, мәйіттердің кімдігі екені анықталмаған.
«Ресей заңдары бойынша, мәйіттерді Тергеу комитетінің рұқсатымен ғана алып кетуге болады. Бірақ ол үшін ДНК зерттеуінің нәтижесі шығуы тиіс», — делінген агенттік мәлімдемесінде.
Әлеуметтік желілердегі хабарларға қарағанда, өзбекстандықтардың мәйіттерін елге жеткізуге қаражат жетіспейді, қазір мигранттардан ақша жиналып жатыр.
Солнечногорск қаласында 13 қарашада болған өртте төрт еңбек мигранты қаза тапты.
newstaraz.kz