«Адамдар, бақытты болуы үшін бір-біріне көмектесіп отыру мақсатымен бірлескен қала-ізгі қала. Халқы бақытқа жету үшін өзара көмектесіп отырған қоғам да ізгі қоғам болады. Қалалардың бәрі бақытқа жету жолында біріне-бірі көмектесіп тұратын халық ізгі халық. Сол сияқты халықтардың бәрі бақытқа ұмтылып, біріне-бірі көмектесіп отырса, бүкіл жер жүзі ізгі болар еді» — деп айтқан Әбу Насыр Әл-Фараби бабамыз.
Шымкент қаласының әкімі Ерлан Айтаханов үшінші мегаполиске «ШЫМКЕНТ – ҚАЙЫРЫМДЫ ҚАЛА» деп балама атау ұсынған болатын. Аталған бастаманы Шымкент қаласы Полиция департаменті мен «Шымкент-Цирк» мемлекеттік коммуналдық қазыналық кәсіпорнымен қолдай отырып, Сайрамдағы №4 балалар үйі, Сайрамдағы көмекші мектеп-интернаты, құлағы нашар еститін балалар үшін Ленгір қосалқы мектеп-интернатының, сондай-ақ қаладағы көп балалы отбасылардың, әл-ауқаты нашар және мүмкіндігі шектеулі балаларға қайырымдылық цирк өнерін ұйымдастырды.
Шымкент қаласы Полиция департаментімен арнайы дайындалған автобустармен және олардың жолда қауіпсіздігін қамтамасыз еткен Патрульдік полиция полкінің экипаждарымен келген кішкентай қонақтарға полиция қызметкерлері тәтті сыйлықтарды және арнайы анимациялық фильмдердің дискілерін тарту етіп, балаларға жаңа шоу-бағдарламасындағы қызықты және ұмытылмас қойылым көруге шақырды.
Шоу-бағдарламада гимнастар мен акробаттар, жылқылар, иттер және арыстандар өнерін көрсетіп бүкіл залдағы отырған көрермендерді толқытуға мәжбүр етті. Көңілді сайқымазақтар әрбір іс-қимылдарымен көрермендердің көңілдерін көтеріп отырды.
Балалардың аталған іс-шарадан көңілдері көтеріліп, жаңа жағымды әсерлерін алды. Балалар Шымкент қаласы Полиция департаментінің және «Шымкент-Цирк» мемлекеттік коммуналдық қазыналық кәсіпорнының қызметкерлерімен жақсы көңіл-күйде қоштасып, алғыстарын жеткізді.
Шымкент қаласы Полиция департаментінің Баспасөз қызметі
Винтоверт DeWalt PowerStack DCF850E1T-QW АКБ и ЗУ в комплекте