Ресей Қырғызстанның сүт өнімдерін импорттау шарттарын айтты
24 сәуірде Мәскеуде Қырғызстанның ауыл шаруашылығы министрлігінің орынбасары Самат Насирдинов пен Ресейдің ветеринарлық және фитосанитарлық бақылау бойынша федералдық қызметінің (Россельхознадзор) басшысы Сергей Данкверт жолықты. Бұл туралы мәлімет Россельхознадзор сайтында жарияланды.
Мекеме жергілікті өндірушілерді ЕАЭО елдеріне жүк тасығандардың реестріне кіргізуде және Ресейге азық-түлік экспорттауды бақылауда қырғызстандық әдістер «формалды келісім жасамай отырғаны расталғанын» жеткізген.
Сонымен бірге сүт таситын компанияларды тексеру барысында лейкоз, паратуберкулез және малда кездесетін плевропневмония бойынша жүргізілген мониторингтің жиынтығы берілмегені, екпе жүргізгендерін растайтын құжаттары болмағаны да жазылған.
Балыққа байланысты тексерудің де нәтижесі осындай болғаны жазылған.
Кездесу барысында Данкверт Россельхознадзордың тексерулерінен кейін ғана Қырғызстанның сүт өнімдерін және балықты Ресейге кіргізуге рұқсат етілетінін айтқан.
Россельхознадзор 21 сәуірден бастап Қырғызстанның сүт өнімдерін импорттаудан бас тартқан. Ресми мәлімет бойынша шешім 10-16 сәуір күндері сүт фермалары және сүт орындарын тексергеннен кейін қабылданғаны жазылған.
newstaraz.kz