Садыр Жапаров Қытайда қысқы Олимпиада ойындарының ашылу салтанатына қатысады

Қырғызстан президенті Садыр Жапаров 3 ақпанда Қытайға барады. Мемлекет басшысының жұмыс сапары үш күнге созылады.

Қырғызстан президенті баспасөз қызметінің 24 қаңтарда хабарлауынша, эпидемиологиялық қауіпсіздік шараларын сақтау үшін қашықтан жұмыс істеуге көшті.

Ресми мәлімет бойынша, Садыр Жапаров Пекинде қысқы Олимпиада ойындарының ашылу салтанатына өатысады, ҚХР төрағасы Си Цзиньпинмен кездеседі.

Қырғызстан мен Қытай басшыларының кездесуінде нақты қандай мәселелер талқыланатыны әзірге белгісіз. 2021 жылғы қазанда үкімет басшысы Ақылбек Жапаров президенттің Қытайға сапарында Қытай-Қырғызстан-Өзбекстан темір жол құрылысына қатысты «жобаның тағдыры шешілетінін» мәлімдеген.

Источник