Новости на Newstaraz.

Тәжікстандағы Исмаилит кеңесінің президенті арнайы қызметтің тергеуінде болған

newstaraz.kz

Тәжікстандағы Исмаилит кеңесінің президенті арнайы қызметтің тергеуінде болған

Ханзада Ага-Хан IV-нің бұрынғы консулы, Исмаилит кеңесінің Тәжікстандағы президенті Шарофат Мамадамбарова 13-14 тамызда Тәжікстанның Ұлттық қауіпсіздік комитетінде сұрауда болғанын жеткізді.

Оның сөзінше, тергеу кезінде Ага-Хан қорының қызметі мен Таулы Бадахшанда болған оқиғалар жөнінде сұрақтар болған.

«Тергеушілер Ага-Хан қорының жұмысы жайлы сұрады. Одан бөлек Таулы Бадахшанда болған оқиғадан кейін ұсталған тұрғындардың қайсымен таныс екенімді сұрады. Мен Манучехр Холикназаровты жақсы танитынымды, оның әке-шешесімен жоғары оқу орнында бірге оқығанымды жеткіздім. Олардың жақсы отбасынан шыққанын, ұлының қылмыс жасауы мүмкін емес екенін айттым», — деді Мамадамбарова.

Памир заңгерлері бірлестігінің басшысы, Азаптауға қарсы коалициясының және «Комиссия 44-тің» мүшесі Манучехр Холикназаров биыл мамыр айында Хорог қаласында ұсталған.

Бүгінгі күні Тәжікстанда мамыр және маусым айларында Таулы Бадахшанда болған оқиғаларға байланысты 90 азаматтық белсенді «Комиссия 44-тің» мүшелері қамауда отыр.

Биыл мамыр айында Таулы Бадахшан орталығы Хорог және Рушан ауданында жергілікті тұрғындардың наразылық акциясы өткен.

Тәжік билігі аймақта «антитеррористтік операция» бастағанын жариялап, оның нәтижесінде 200-ден астам адам қамалғанын, 16 адам өлтірілгенін мәлімдеген.

Тәжік билігі ұсталғандарды «ұйымдасқан қылмыстық топтың» мүшелері деп атап отыр.

Источник

newstaraz.kz
Вам также могут понравиться

Оставьте ответ

Ваш электронный адрес не будет опубликован.

newstaraz.kz

Translate »