Түркімен белсендісі Дурсолтан Таганованы Стамбулдағы депортация орталығынан босатты
Түркімен билігін ашық сынап жүрген белсенді Дурсолтан Таганова Стамбулдағы депортация орталығынан босатылды. Бұл туралы 29 қыркүйекте «Хроника Туркменистана» сайты хабарлады.
29 қыркүйекте түстен кейін Дурсолтан Таганова Түркиядағы депортация орталығынан босап шықты. Оның адвокаты қажетті құжаттарды түрік билігіне өткізген.
Таганова бірнеше күн бұрын Стамбулда ұсталды. Мәскеудегі «Мемориал» құқық қорғау ұйымының 27 қыркүйекте хабарлауынша, түркімен белсендісі Дурсолтан Таганованы түрік билігі ұстап, оны Селим-паша депортация орталығына тапсырған.
Содан кейін белсенді видео түсіріп, онда түрік билігі оны Түркіменстанға депортациялағалы жатқанын айтқан, түркімен жүйесіне қарсы жұмыс істейтін басқа да белсенділерді «қорықпауға» үндеген.
Еске салайық, 2020 жылғы 19 маусымда түркімен белсенділерінің Стамбулдағы наразылық акциясынан соң Таганованы түрік полициясы ұстады. Ол үш ай депортация орталығында отырды. Содан кейін белсенді Түркиядан баспана сұрап, сол елде заңды түрде тұруға рұқсат алды.
newstaraz.kz