Түркіменстанда мигранттардың туыстары арзандатылған азық-түлік сатып алу құқығынан айырылуы мүмкін
Түркіменстан билігі шетелде жұмыс істеп жүрген мигранттардың туыстарын азық-түлікті арзан бағаға сатып алатын азаматтардың тізімінен шығарып тастамақ. Бұл туралы Азаттықтың түркімен қызметі дереккөзіне сілтеме жасап хабарлады.
Ақпаратқа қарағанда, субсидияланған азық-түлік түрмеде отырған азаматтардың туыстарына да берілмеуі мүмкін. Бұдан бөлек өлке аймағында жүрген азаматтығы жоқ адамдар да арзандатылған азық-түлік сатып алу құқығынан айырылуы мүмкін.
Бұдан әрі субсидияланған азық-түлікті белгілі бір санаттағы азаматтарға ғана, оның ішінде балалары әскери қызметте жүрген отбасына, ардагерлерге және тылда еңбектенген азаматтарға ғана сату жоспарланып жатыр. Ол үшін азаматтардың барлық коммуналдық қызметтер үшін қарыздары толық төленуі шарт.
Елі экономикалық дағдарысты бастан кешіріп жатқан Түркіменстанда пандемиядан кейін жағдай нашарлап кетті.
Өткен аптада Ашғабад билігі арзандатылған азық-түлік көлемін қысқартып, бұдан әрі бір отбасына бір пакет ғана арзандатылған азық-түлік беріле бастағаны хабарланған.
Арзандатылған бір пакеттің ішінде бір литр өсімдік майы, бір келі қант, тауықтың екі аяғы кіреді. Кейдір жерлерде 15 дана жұмыртқа қосылған.
newstaraz.kz