Түркіменстаннан шетелге көшкісі келетіндер көбейіп барады

Ресейде жүрген түркіменстандықтар елге оралудың жолын қарастырып жатса, Түркіменстаннан көшкісі келетіндер саны артып барады.

Азатлык радиосы дереккөзінің мәліметі бойынша, Мәскеуде кем дегенде 2500 адам Ресейден Түркіменстанға шығатын рейсті күтіп жүр. Тізім Түркіменстан елшіліктерінде дайындалады. Оған құжаттары түгел азаматтар ғана тіркеле алады.

Дереккөздің айтуынша, Ресейдің өзге де қалаларында елге қайтқысы келетіндер көп.

Бұл уақытта Азатлыктың Түркіменстандағы тілшісі елден көшу ісінің қиындағанын хабарлады. Шетелге шығатын төлқұжат алудың қиындығы, карантин кезінде мекемелердің жұмыс істемеуі елден кеткісі келетіндерді ұзақ күттіріп қойды.

Азатлыкпен тілдескен бір шенеуніктің айтуынша, Түркіменстан билігі шетелге көшкісі келетіндер санының артуына алаңдап отыр.

«Президент көші-қон қызметі мен сыртқы істер министрлігіне халықтың үре көшуіне кедергі жасауды тапсырған», — дейді дереккөз.

Дереккөз мәліметіне қарағанда, Түркіменстанда демографиялық дағдарыс алдында тұр.

Билік халық саны 2,7-2,8 миллион адамға азайғанын анықтаған. Елдегі экономикалық дағдарыс кезінде тұрғындар шетелге кеткісі келеді. Дегенмен билік демографиялық дағдарыс барын ресми түрде мойындамай отыр.

Источник