Тәліптер Ауғанстанда әйелдерге жұмыс істемей, үйде отыруды ұсынды
Тәліптер Ауғанстандағы әйелдерге жұмыс істемей үйінде отыруға кеңес береді. Бұл туралы BBC ұйым өкілі Забихулла Муджахидке сілтеме жасап хабарлайды.
«Біздің қауіпсіздік күштеріміз әйелдермен қалай сөйлесу керек екенін білмейді. Олардың қауіпсіздігі толық қамтамасыз етілмейінше, біз әйелдерді үйінен шықпауға шақырамыз», — дейді Забиулла Муджахид.
«Бұған аз уақыт кетеді», — деген ол.
Тәліптердің ресми өкілі Забиулла Муджахид осыған дейін елге шариғат заңы енгізілетінін, бірақ қыз-келіншектердің оқуына кедергі болмайтынын жеткізген.
Ауғанстанда 1996 жылдан 2001 жылға дейінгі тәліптердің бес жылдық басқаруында шариғат заңы енгізіліп, теледидар көруге, кино, өнер, музыкаға тыйым салынып, қыздардың білім алуы шектелген. Оларға ер адамсыз көшеге шығуға тыйым салынған және паранжа киіп жүруге міндетті болған.
2021 жылдың 15 тамызынан бастап тәліптер әйелдерге қоғамдық орындарда жабусыз жүруге тыйым салған.
newstaraz.kz