Тәжікстан билігі Украинада соғысып жүрген азаматтарының тізімін жасап жатыр
иллюстрационное фото
Тәжікстан билігі Украинада соғысып жүрген тәжік азаматтарының тізімін жасап жатыр. Бұл жөнінде Озоди радиосы дереккөзіне сілтеме жасап хабарлады.
«Мұндай тізім құру өткен аптада, күш құрылым қызметкерлері қатысқан жиында қабылданған. Осыған дейін «Ислам мемлекеті» ұйымының қатарында Сирия мен Ирактағы соғысқа қатысқан тәжікстандықтардың тізімі құрылған», — деді «Озоди» радиосы.
Оның сөзінше, соғыста жүрген Ресей және Украина азаматтығы бар тәжікстандықтарға қылмыстық іс қозғалмайды. Басқа елдің аймағындағы соғыс әрекеттеріне қатысқаны үшін тәжік төлқұжаты бар азаматтар ғана қылмыстық жауапкершілікке тартылады.
Былтыр күзде Тәжікстанның Мәскеудегі елшілігі Ресейде істеп жүрген тәжік азаматтарына басқа елдегі соғысқа қатысқаны үшін қылмыстық жауапкершілікке тартылатынын ескерткен.
Бүгінгі күні Украинадағы соғысқа қанша тәжік азаматы қатысып жатқаны белгісіз. Осыған дейін Озоди радиосы бұл өлкеде ондаған тәжікстандықтың қаза болғанын хабарлаған.
Тәжікстан билігі Украинадағы соғысқа қатысып жүрген азаматтардың тізімін құру шешімі бойынша ешқандай пікір білдірген емес.
newstaraz.kz