Тәжікстан электр энергиясын экспорттаудан 93,5 млн доллар пайда тапты

Тәжікстан соңғы 11 айда электр энергиясын көрші елдерге экспорттаудан 93,5 млн доллар пайда тапқан.

Бұл көрсеткіш былтырғы жылға қарағанда 40,5 млн долларға көп.

Бірақ билік экспорттың нақты көлемін жарияламады, тек Ауғанстан мен Өзбекстанға электр энергиясын тасымалдағанын жеткізді.

Ресми мәлімет бойынша, соңғы 11 айда сағатына 19 млрд киловатт электр энергиясы өндірілген. Бұл былтырғы жылмен салыстырғанда 5,7 процентке көп.

Биыл 1 қазаннан бастап Тәжікстанның шалғай елді-мекендерінің тұрғындарына электр энергиясы шектеулі түрде беріле бастады. Бірақ оның себебі түсіндірілмеді.

Источник