Тәжікстан Хожалы-Ворух жолының құрылысын бастауға дайын екенін жеткізді
Тәжікстанның көлік министрлігі Кожалы (Хожаи Аъло) ауылы мен Ворух анклавын байланыстыратын айналма жолдың құрылысын бастауға дайын екенін мәлімдеді.
Озоди радиосы жазғандай, 17 ақпанда Душанбеде өткен жиналыс кезінде көлік министрі Азим Иброхим өзінің орынбасары жол салынатын жерге барғанын, онда Қырғызстанның ресми өкілдерімен кездескенін хабарлады. Азим Иброхимнің сөзінше, “құрылыс қол қойылған қаулыға байланысты кейінге қалдырылған”.
“Біз, біздің министрлік үкіметаралық комиссияның шешімі қолға тиген бетте топографиялық және суретке түсіру істерін, жол салу жұмысына кірісуге дайынбыз”, — деді Азим Иброхим.
Былтыр мамыр айында екі тарапты кездесу нәтижесінде қол қойылған №39 қаулыда тараптар Тәжікстанның Кожалы (Хожаи Аъло) ауылы мен Ворух анклавын байланыстырған айналма жолды бірлесіп салуға келіскенін Тәжікстан тарап ресми хабарлаған.
Бұл мәселе ақпан айының басында Қырғызстан парламентінде қызу талқыланған. Кейін Ұлттық қауіпсіздік комитетінің төрағасы Камчыбек Ташиев Қырғызстанның ешбір жері анклавқа айналмайды деп мәлімдеме таратты.
newstaraz.kz