Тәжікстанда қамалған журналистердің не үшін айыпталып жатқаны әлі белгісіз

Тәжікстанда журналист Завкибек Саидаминидің қамалғанына бес күн болғанына қарамастан, оның қазір қайда екені белгісіз.

Төрт күн бұрын Вахдат облыстық ішкі істер басқармасында тергеуге алынған блогер Абдусаттор Пирмухаммадзода да үйіне қайтпаған. Билік ұсталған журналист пен блогердің қандай іс бойынша тергелгені жөнінде мәлімет бермеді.

Саидамини мен Пирмухаммадзоданың туыстары олардың адвокаты жоқ екенін және қандай іс бойынша қамалғанын білмеді.

«Бізге телефон арқылы Абдусаттор 10 тәулікке қамалғанын айтып, облыстық ішкі істер басқармасы алдындағы көлігін алып кетіңдер деді. Онымен кездестірмей жатыр», – деді блогердің туысы.

«Садои Душанбе» радиосында жұмыс істеген Пирмухаммадзода соңғы жылдары такси жүргізіп, әлеуметтік желілерде блог жүргізіп жүрген. Ол көбінде әлеуметтік тақырыпты көтереді.

Журналист Завкибек Саидамини 8 шілдеде Душанбеде ұсталып, Вахдат қаласына жеткізілген. Қазір оны қайда ұстап отырғаны белгісіз.

Тәжікстанда соңғы екі айдың ішінде жеті блогер мен журналист қамауға алынды. Олар бойынша ешқандай ресми мәлімет жоқ.

Бірқатар журналистер мен блогерлер биліктің қысымына қалып жатқанын айтып жатыр.

Жақында Озоди радиосы дереккөзіне сүйеніп, құқық қорғау органдары Таулы Бадахшаннан шыққан үш белсендінің компьютерлері мен смартфондарын алып қойғанын хабарлаған.

Источник