«Талибан» өкілі: Өзбекстан аумағын снарядпен атқылағандар іздестіріліп жатыр
«Талибан» үкіметінің өкілдері Өзбекстанды снарядпен атқылағандарды анықтап, жазалауға күш салады. Бұл жөніне тәліптердің ресми өкілі Забиулла Мужахид Twitter парақшасында хабарлады.
Оның айтуынша, Ауғанстан жағынан Өзбекстанды зымыранмен атқылау – екі тату көрші ел арасына от жаққысы келетін ниеті жаман күштердің ісі.
5 шілдеде күндізгі сағат 16 шамасында Ауғанстан аумағынан Өзбекстанның Сұрқандария облысындағы Термез қаласына 5 снаряд түскен болатын.
Өзбекстан сыртқы істер министрлігінің хабарлауынша, «снарядтар құлаған кезде жарылмаған, сәйкесінше адам шығыны да болмаған, ғимараттар қирамаған».
Сәуір айында Өзбекстанның кейбір ресми сайттары «Ислам мемлекеті» ұйымының Хорасандағы бөлімшесі Ауғанстан аумағынан Өзбекстанның Сурхандария облысындағы әскери нысандарға он зымыран жібергенін хабарлаған еді.
Алайда Өзбекстан президенті Шавкат Мирзияевтің баспасөз хатшысы мұны жоққа шығарып, оны арандату әрекеті деп атаған.
newstaraz.kz