Қаңтар оқиғасынан кейін ұсталған экс-министр Бектанов 15 жылға сотталуы мүмкін
Қазақстанның бұрынғы қорғаныс министрі Мұрат Бектанов жетіден 15 жылға дейін сотталуы мүмкін. Бұл туралы жергілікті ақпарат құралдары хабарлады. Бектанов қаңтар оқиғасынан кейін қамауға алынған.
Бас прокуратураның «Қазақпарат» ресми агенттігіне хабарлауынша, 19 ақпаннан бері Қылмыстық кодекстің 451-бабы 3-бөлімі («Ұрыс жағдайында билігін асыра пайдалану») негізінде сотқа дейінгі тергеу жүріп жатыр. Заңдағы бұл бап жеті жылдан 15 жылға дейін бас бостандығынан айырып, мүлкін тәркілеуді, белгілі бір қызметтерге орналасуға өмір бойы тыйым салуды қарастырады.
Ақпан айында экс-министр «қызметтегі әрекетсіздігі үшін» тергеліп жатқаны хабарланған. Президент Қасым-Жомарт Тоқаев қаңтар оқиғасы кезінде Қарулы күштер «басшылықтың сенімсіздігінен алға қойған мақсатты абыроймен орындай алмады» деп мәлімдеген.
«Министр Бектанов қолбасшылық мінезін көрсете алмады», — деген Тоқаев.
56 жастағы экс-министр Мұрат Бектанов 20 ақпанда ұсталды. Ол қорғаныс министрі қызметіне 2021 жылғы тамыз айында тағайындалған. Бектанов бұл орында бар болғаны төрт ай отырды.
Винтоверт DeWalt PowerStack DCF850E1T-QW АКБ и ЗУ в комплекте