Қазақстан билігі Ленин шахтасындағы жарылысқа «АрселорМиттал Теміртау» басшылығын кінәлады
Қазақстан үкіметі 3 қарашада болған Ленин шахтасындағы жарылыс себептерін тексерді. Бұл шахта «АрселорМиттал Теміртау» (АМТ) компаниясына тиесілі. Жарылыстан бес адам қайтыс болып, төртеуі жарақат алған.
Елдің төтенше жағдайлар жөніндегі министрі Юрий Ильин жарылысқа компания басшылығының кінәсі 100% деп мәлімдеді.
Мемлекеттік комиссия газ құрғату ұңғымасын бұрғылау кезінде жарылыс болған деген шешімге келген. Шахтадағы газ мөлшерін анықтайтын қондырғы талапқа сәйкес келмеген. Соның салдарынан метан жиналып, жарылыс болған.
Министр компания қазіргі заманауи техниканы қолданбай, шахтада ұңғыманы іштей бұрғылап келген дейді.
Осы апатқа себепші болған «АрселорМиттал Теміртау» компаниясының лауазымды 26 адамының аты-жөні анықталған. Олардың бәріне айып тағылған. Бірақ ешқайсысы ұсталмаған. Тергеу амалы аяқталған соң, сот алдында жауап береді деді министр.
«АрселорМитталТеміртау» компаниясының басшылығы ресми сайты арқылы мемлекеттік комиссия шешімімен келіспейтінін мәлімдеген.
Винтоверт DeWalt PowerStack DCF850E1T-QW АКБ и ЗУ в комплекте