АҚШ мемлекеттік департаменті Өзбекстандағы сайлау жөнінде мәлімдеме таратты
АҚШ мемлекеттік департаменті Өзбекстанда жексенбіде өткен президент сайлауы жөнінде мәлімдеме жариялады.
Құжатта АҚШ «Өзбекстан халқының 24 қазандағы президент сайлауында дауыс беру құқығын жүзеге асырғанын қолдайды» делінген.
Мемлекеттік департамент ЕҚЫҰ адам құқықтары және демократиялық институттар жөніндегі бюро миссиясының бақылаушылары жасаған қорытындымен келісті. Бақылаушылар адам көп жиналған сайлау бейбіт өтті деген. Дей тұрғанмен, АҚШ ЕҚЫҰ миссиясының бірқатар мәселелер бойынша «алаңдағанымен» келіседі, делінген мәлімдемеде.
Мемлекеттік департмент Өзбекстан үкіметінің ЕҚЫҰ бақылаушыларымен әріптес болғанын құптап, олардың сайлауларға қатысты кеңестерін жүзеге асыруға үндеді.
2019 жылғы парламент сайлауынан соң ЕҚЫҰ Өзбекстан билігіне 32 кеңес берген. Өзбекстан соның 18-ін қабылдап, үшеуін жартылай қабылдап, сегіз кеңесті әлі қарастырып жатқанын мәлімдеген.
newstaraz.kz