Алматыда Қытаймен визасыз режимге қарсы акцияға шыққандар ұсталды
1 мамыр күні Алматының Горький саябағында митингке шыққан онға жуық адам қамалды. Бұл туралы Азаттық хабарлады.
Осыған дейін азаматтарды митингке шығуға оппозициялық саясаткер Мұхтар Аблязов үндеген. Ол қытай азаматтарының Қазақстанға визасыз кіруіне қарсы болып, Астананы Ұжымдық қауіпсіздік келісім ұйымынан және Еуразия экономикалық одағынан шығуға үндеген.
1 мамырдағы акцияға 20-ға жуық адам қатысқан. Полиция қызметкерлері олардың не себептен қамалғаны бойынша мәлімет бермеді.
СІМ «Қазақстан мен Қытай арасындағы виза талаптарын жою жөніндегі келісімге қол қою» жөніндегі заң жобасын қоғамдық талқыға шығарған. 18-19 мамырда Қазақстан президенті Пекинге баратын сапарында аталған жобаға қол қою жоспарланған.
Винтоверт DeWalt PowerStack DCF850E1T-QW АКБ и ЗУ в комплекте