Сергей Лавров: Ресей мен Өзбекстанның Ауғанстанмен жұмыс істеуде ұстанымы жақын
Өзбекстан мен Ресей Ауғанстанның қазіргі үкіметімен жұмыс істеу ниеті барын растайды. Осылай деп Ресейдің сыртқы істер министрі Сергей Лавров өзбек президенті Шавкат Мирзияевпен кездескеннен кейін «Өзбекстан 24» телеканалына берген сұқбатында айтты.
«Ауғанстандағы қазіргі жағдайды мойындау және осындай жағдайда ауған үкіметімен жұмыс істеу бойынша Өзбекстанмен ұстанымымыз өте жақын», — деді Лавров.
Ол Шавкат Мирзияевпен кездесу кезінде Ауғанстан мәселесін басты орынға қойғанын жеткізді.
Сергей Лавров Ташкентке Шанхай ынтымақтастық ұйымының сыртқы істер министрлерінің кездесуіне қатысу үшін 27 шілдеде барған.
26 шілдеде Ташкентте өткен халықаралық конференцияда Өзбекстанның сыртқы саясат бойынша арнайы өкілі Абдулазиз Камилов жақын уақытта Ауғанстан үкіметін тану мәселесі жоқ екенін мәлімдеген.
Бірақ «Талибан» мен халықаралық қауымдастықтың тіл табысуға ниеті барын оң бағалайтынын жеткізген.
newstaraz.kz