Министрлік Алматы ауруханасында науқастарға ВИЧ жұққаны жөнінде: Кінәлілер жазаға тартылады
Денсаулық сақтау министрі Ажар Ғиният Алматы орталық қалалық клиникалық ауруханасында үш науқасқа ВИЧ жұққаны туралы ақпаратқа түсініктеме берді. Оның айтуынша, әзірге жазалау туралы айту ерте, алайда «кінәлілер жауапқа тартылады» деді ол.
– Тексеріс аяқталсын. Тексеріс нәтижесінде қай кезеңде заңсыздық болғаны және кім кінәлі екені анықталады. Барлық кінәлі адам жауапқа тартылады, – деді Ғиният.
Ажар Ғинияттың айтуынша, былтыр Қазақстанда 4 мың адам ВИЧ-пен ауырған. Оның алдындағы жылы бұл көрсеткіш 3,5 мың адам болған.
14 маусымда Алматы орталық қалалық клиникалық ауруханасының үш пациентіне ВИЧ жұққаны белгілі болған. Ақпаратқа қарағанда, қан құйғаннан кейін олар бір айдан соң анализ тапсырған, сол кезде инфекция анықталған.
Винтоверт DeWalt PowerStack DCF850E1T-QW АКБ и ЗУ в комплекте